ВЕРСИЯ ДЛЯ СЛАБОВИДЯЩИХ
ОБРАЩЕНИЯ ГРАЖДАН
|
|
 |
 |
 |
Шануй і паважай беларускую культуру, мову і яе самабытнасць!
14 снежня ў межах Дня беларускай мовы з вучнямі 5-х класаў была праведзена віктарына “Падарожжа па старонках беларускіх твораў”.
Дзеці ўспомнілі народныя казкі і легенды, прыказкі і прымаўкі, узнавілі свае веды па творах вядомых беларускіх пісьменнікаў Я. Коласа, Я. Купалы, У. Караткевіча. З вялікім задавальненнем дзеці разгадвалі крыжаванкі, аднаўлялі прыказкі і прымаўкі, пазнавалі галоўных герояў па характэрных рысах знешнасці і характары.
Пасля віктарыны вучні наведалі школьную бібліятэку, дзе праявілі цікаўнасць да беларускай мастацкай літаратуры.
У межах адзiнага дня беларускай мовы 7 снежня ў групе падоўжанага дня першых класаў выхавальнiкам Красько Аленай Генадзьеўнай быў арганiзаваны тэатралiзаваны паказ казкi "Церамок".
Дзецi з задавальненнем удзельнiчалi ў пастаноўцы. Словы герояў казкі яны гаварылi па-беларуску. Тым самым сама казка стала для іх як быццам новай, раней невядомай.
Акцёры справiлiся з пастаўленай задачай, атрымалi незабыўныя ўражаннi, а таксама даведаліся шмат новых слоў на роднай мове!
7 снежня ў 5 «А» класе быў праведзены ўрок-падарожжа «Беларусь – краіна маёй будучыні». Для вучняў было падрыхтавана некалькі прыпынкаў: гістарычны, загадкавы, гульнявы, інтэлектуальны. На ўроку дзеці пазнаёмілі з біяграфіямі знакамітых людзей Беларусі, даведаліся пра значэнне дзяржаўных сімвалаў Беларусі, пра асаблівыя падзеі з гісторыі нашай дзяржавы.
У канцы мерапрыемства вучні зрабілі падарунак для нашай роднай зямлі ў выглядзе кветак з паперы, расфарбованых у розныя колеры.
Алесь Сцяпанавіч Разанаў – беларускі пісьменнік і перакладчык, вядомы як паэт-наватар, аўтар новых паэтычных форм. Нарадзіўся 5 снежня 1947 года ў вёсцы Сялец Бярозаўскага раёна Брэсцкай вобласці.
У 1966 годзе А. Разанаў паступіў на філалагічны факультэт Беларускага дзяржаўнага ўніверсітэта, дзе правучыўся тры гады. Паралельна з вучобай працаваў ліцейшчыкам на Мінскім заводзе ацяпляльнага абсталявання. Пасля перавёўся ў Брэсцкі педагагічны інстытут імя A. С. Пушкіна, які закончыў у 1970 годзе. Працаваў настаўнікам беларускай мовы і літаратуры ў вёсцы Кругель Камянецкага раёна, з 1972 года ў Мінску – літсупрацоўнікам газеты «Літаратура і мастацтва», з 1974 года — рэдактарам у выдавецтве «Мастацкая літаратура», з 1994 года – у часопісе «Крыніца».
З вершамі ў друку Алесь Разанаў выступіў у 1961 годзе. У першым паэтычным зборніку «Адраджэнне» (1970) пераважалі адраджэнскія настроі, услаўляліся героі беларускага мінулага, замежныя вучоныя і пісьменнікі, адкрывальнікі новага, утапісты і змагары. У наступным зборніку вершаў «Назаўжды» (1974) выявіўся яго пошукавы характар, схільнасць да паэтычнага эксперыменту, павышаная ўвага да філасофскіх праблем. 3 гэтага часу з імем Алеся Разанава звязваецца ўяўленне аб інтэлектуальнай плыні ў беларускай паэзіі.
29 лістапада 2017 года ў 4 класе адбылася пазнавальная гутрка, прысвечаная нялёгкай працы хлебароба.
Вучні яшчэ раз успомнілі цяжкі шлях хлеба да нашага стала, прафесіі людзей, якія яго вырошчваюць.
З мэтай выхавання ў дзяцей любові да роднага краю 23 лістапада 2017 года ў 3 “Б” класе прайшла гадзіна роднай мовы “Прыгарніся да роднага краю”. У ходзе мерапрыемства вучні абагацілі свой моўны запас праз вершы, загадкі, прыказкі, і беларускія гульні.
Дзеці замацавалі і пашырылі свае веды пра Беларусь і яе непаўторную прыгажось.
17 лістапада 2017 года ў другім «Б» класе было праведзена пазакласнае мерапрыемства па тэме «Песняры беларускай зямлi».
Мерапрыемства праходзiла як часопiс, дзе вучнi знаёмiлiся з творамi песняроў, iх бiяграфiяй i роляй пiсьменнiка ў жыцці беларускага грамадства і гісторыі краіны.
9 лістапада 2017 года вучні 2 “А” класа дакрануліся да нашай гісторыі і наведалі беларускую хатку ва ўстанове культуры “Магілёўскі гарадскі Цэнтр культуры і вольнага часу”.
Міні-экскурс у гісторыю беларускай хаткі пазнаёміў вучняў са старажытнымі прадметамі быту. Дзеці развучылі беларускія народныя казкі, гульні, прыказкі, прымаўкі, удзельнічалі ў фрагментах беларускіх абрадаў.
|
|
|
