“У НАШАЙ ПАМЯЦІ ЖЫВЕ…”

Подробности

Категория: Скарбнiца роднай мовы

Опубликовано 25.03.2020 09:16

Просмотров: 104

Наша Магілёўская зямля здаўна славілася сваёй песеннасцю і напеўнасцю. Яна дала свету нямала таленавітых майстроў слова. Нельга не прыгадаць нашых славутых землякоў Ядвігіна Ш, Максіма Гарэцкага, Аркадзя Куляшова, Івана Чыгрынава і многіх іншых.

22 сакавіка наша краіна адзначала 100-годдзе з дня нараджэння лаўрэата Дзяржаўнай прэміі БССР імя Янкі Купалы, заслужанага работніка культуры Беларусі, паэта Аляксея Васільевіча Пысіна. Ён па праву займае пачэснае месца сярод знакамітых магіляўчан. З першага дня свайго свядомага жыцця і да апошняга ўздыху Аляксей Пысін быў сапраўдным сынам сваёй зямлі. Лёс і паэзія гэтага чалавека апалены вогнішчам Вялікай Айчыннай вайны, але ў яго вершах гучыць бязмежная любоў да жыцця і сваёй радзімы – Магілёўшчыны.

У ДУА“Сярэдняя школа №6 г.Магілёва” ў гонар памяці вядомага земляка Аляксея Пысіна, а таксама ў сувязі са 100-годдзем з дня яго нараджэння былі арганізаваны шматлікія мерапрыемствы: кніжная выстава «Народны душою», акцыя «Верш у кішэні», інформ-дайджэст «Мне ў жыта хочацца ўвайсці, мне вечнасцю здаецца жыта…”, класная гадзіна в форме літаратурнай віктарыны «У нашай памяці жыве”, літаратурныя чытанні «На скрыжаванні часоў і дарог”, адкрыты ўрок «З вайной, як з асколкам, у сэрцы…».

Напярэдадні 22 сакавіка невялікая колькасць вучняў 6га класса разам з настаўніцай беларускай мовы і літаратуры наведалі Польскія могілкі, дзе пахаваны Аляксей Пысін. Школьнікі ўсклалі кветкі да помніка песняру, прачыталі яго вершы і ушанавалі памяць хвілінай маўчання.

Настаўніца беларускай мовы і літаратуры

Партасава Т.Н.

• < Назад
• Вперёд >